എന്നു നിൻ്റെ മൊയ്തീൻ......

 ഒരു മലയാളം പടം കണ്ടു. സമൂഹത്തിൽ അനവധി നടക്കുന്ന ഒരു സംഭവമാണ് ചിത്രത്തിൻ്റെ പ്രമേയം. വിചിത്രമായ മാറ്റങ്ങൾ ഇന്ന് പ്രണയത്തിൽ വന്നിരിക്കുന്നു..... അതിനൊക്കെ അപവാദമാണ് ഇതിലെ പ്രണയം. ജാതി, മതം എല്ലാം എന്തിനാണ് എന്നു തോന്നിപ്പോയി.. ആവശ്യമില്ലാത്ത ഒന്നല്ല ഇതൊന്നും പക്ഷേ ആത്യന്തികമായി മനുഷ്യൻ മനുഷ്യനാണ് എന്നു മാത്രം നമ്മൾ മറക്കുന്നു. ആ മറവി ജീവച്ഛവങ്ങളെയും രക്തസാക്ഷികളെയും ഈ ലോകത്ത് ബാക്കിയാക്കുന്നു.. ജീവിതം ഒന്നല്ലേയുള്ളു... അതും മനുഷ്യ ജന്മം... അതിൻ്റെ ഭംഗിയും വിശുദ്ധിയും മറന്ന് കേവലം തൊടാനും കാണാനും പറ്റാത്ത വസ്തുതകളിൽ ഭ്രമിച്ച് പവിത്രത നിറഞ്ഞ ജീവിതം ഹോമിച്ചു കളയുന്നു .... എന്നിട്ട് വരും തലമുറയ്ക്ക് ഒരു പാഠം എന്ന അടിക്കുറിപ്പും.... ഏതായാലും ഹൃദയം നിർമ്മലമായുള്ളവർക്ക് ഈശ്വരൻ മറ്റൊരു ലോകം ചമച്ചിട്ടുണ്ടാകും.. അതാവാം ഭൂമി ഇത്രയധികം മലിനമായത്.